|
ژمارهی نوێ 139 |
|
|
|
رِۆژنامهیهكی رهخنهیی خوێندكاریه
دوو ههفته جارێك بڵاو دهبێتهوه
|
|
01
02
03
04
05
06
07
08
09
10
11
12
 |
|
ڕاپرسی |
بهڕای تۆ وهرنهگرتنی سهرجهم دهرچوانی پۆلی دوانزهی ئامادهیی ساڵی(2009-2010) لهزانكۆو پهیمانگاكاندا، بۆ خوێندنی ساڵی (2011-2010)ناڕهزایی و خۆپیشاندانی قوتابیانی لێدهكهوێتهوه؟
|
|
بەردی بناغەی 1000 خانوو بۆ مامۆستایانی زانكۆ دانرا و بینایەی بەشی میكانیك لە كۆلیژی ئەندازیاری كرایەوە
8/3/2010
زانکۆکورد
لە مەراسیمێكدا و بەئامادەبوونی هەریەك لە د.ئەحمەد دزەیی سەرۆكی زانكۆی سەلاحەددین و د.پشتیوان هاشم بەزاز سەرۆكی زانكۆی هەولێری پزیشكی و د.كەوسەر گەڵاڵی سەرۆكی دەستەی تەكنیكی و یاریدەدەرانی سەرۆكی زانكۆكان و ژمارەیەكی زۆر لە راگران و مامۆستایانی زانكۆ بەردی بناغەی پڕۆژەی دروستكردنی 1000 خانوو بۆ مامۆستایانی زانكۆی سەڵاحەدین و هەولێری پزیشكی و پەیمانگەی تەكنیكی دانرا، ئەو پڕۆژەیە كە یەكێكە لە بەرنامە گرنگەكانی حكوومەتی هەرێمی كوردستان لە بواری نیشتەجێ كردن 63 ملیۆن و 520 هەزار دۆلاری ئەمەریكی بۆ تەرخان كراوە، خانووەكانی ئەو پڕۆژەیە بە هەردوو شێوەی خانووی یەك نهۆمی و 2 نهۆمی دوست دەكرێن و 700 خانوویان بۆ مامۆستایانی زانكۆی سەلاحەدین و 200 خانوو بۆ مامۆستایانی زانكۆی هەولێری پزیشكی و 100 خانووش بۆ مامۆستایانی خوێندنی تەكنیكی دابەشكراوە. شایەنی باسە بەڵێندەری ئەو پڕۆژەیە كۆمپانیای زیرەكە و لەلایەن سەنتەری راوێژكاری ئەندازیارییەوە سەرپەرشتی دەكرێت هەر خانوویەك لەسەر رووبەری 148 مەتری چوارگۆشە و لەسەر زەویەك بە رووبەری 250 مەتری چوارگۆشە دروست دەكرێن و بڕی پارەی تێچووش پاش دانی پێنج یەكی تەواوی پارەكە لەماوەی سێ ساڵدا پارەكەی دیكە بەشێوەی قیست وەردەگیرێتەوە. لەلایەكی دیكەوە ئهمڕۆ لە مەراسیمێكی تایبەتی بنیایەی نوێی بەشی میكانیك بە ئامادەبوونی سەرۆكی زانكۆی سەلاحەدین، یاریدەدەری سەرۆكی زانكۆ بۆ كاروباری كارگێڕی و دارایی و ڕاگری كۆلیژی ئەندازیاری و ژمارەیەكی بەرچاو لە مامۆستایانی كۆلیژی ئەندازیاری كرایەوە ئەو پڕۆژەیە لەلایەن بەڕێوەبەرایەتی بیناكاری و چاككردنەوە و خزمەتگوزاری هونەری زانكۆی سەلاحەدین سەرپەرشتیاری دەكرا و كۆمپانیای بێسان بە 3 میلیارد و 494 میلۆن و 812 هەزار دیناری ئێراقی لە سەر بودجەی حكوومەتی هەرێمی كوردستان جێبەجێ دەكات. پێكهاتەی پڕۆژەكە بریتی بوو لە نوسینگەی سەرۆكایەتی بەش و ستافەكانی ژووری تایبەت بەمامۆستایان هۆڵی خوێندن و نیگارگاو تاقیگای زانستی و سازانگا و تاقیگای كۆمپیوتەر و ئەنتەرنێت، یەكەی كتێبخانە، هۆڵی سیمینار، هۆڵی وەرزشی، كافتیری مامۆستایان و قوتابیان و پێداویستەكانی و پێداوییستەكانی دیكە. شایەنی باسە ئەو پڕۆژەیە لە ماوەی 13 مانگدا گەیشتە قۆناغی تەواو بوون.
 |
|
